💡 მიწის სტატუსის შეცვლა

მიწის სტატუსის შეცვლა, მიწის მიზნობრივი დანიშნულების შეცვლა. ბიზნეს გეგმების მომზადება მიწის სტატუსის შესაცვლელად 577 235 400 .
◆ სტატიის ორიგინალი ქართულ ენაზეა. სხვა ენებზე მიეწოდება გუგლის ავტომატიური თარგმანი. ენების გადასართველი საიტის თავშია ◆

დანიშნულების თვალსაზრისით, არსებობს ორი ტიპის მიწა

ორი ტიპის მიწა არსებობს:

სასოფლო სამეურნეო
არასასოფლო-სამეურნეო

მიწას შეიძლება შეეცვალოს სტატუსი ანუ მიზნობრიობა

შესაძლებელია სასოფლო-სამეურნეო მიწა გადაყვანილ იქნეს არასასოფლო-სამეურნეოდ და პირიქით. მიზნობრიობის შეცვლა ხორციელდება, თუ არსებობს კარგად მოტივირებული დასაბუთება. ამ ფუნქციას ასრულებს ბიზნეს-გეგმა.

რომელი ორგანო ახორციელებს მიწის მიზნობრივი დანიშნულების შეცვლას?

მიწის მიზნობრივი დანიშნულების შეცვლას ახორციელებს საჯარო რეესტრის ეროვნული სააგენტო. ამასთან, კონკრეტული სიტუაციიდან გამომდინარე, სააგენტოს შეუძლია მიმართოს შესაბამის მუნიციპალიტეტს ან სხვა სტრუქტურებს.

ვის უნდა მიმართოთ მიწის სტატუსის შესაცვლელად

მიწის მიზნობრივი დანიშნულების შეცვლის რეგისტრაციისათვის დაინტერესებულმა პირმა უნდა მიმართოს საჯარო რეესტრის ეროვნული სააგენტოს ტერიტორიულ სამსახურს, იუსტიციის სახლს.

სარეგისტრაციოდ წარსადგენი დოკუმენტები:

განცხადება (აღნიშნული ივსება შესაბამის ელექტრონულ პროგრამაში უშუალოდ დოკუმენტების მიმღები ოპერატორის მიერ);
დაინტერესებული პირის საიდენტიფიკაციო დოკუმენტის ასლი;
დასაბუთებული განცხადება მიწის მიზნობრივი დანიშნულების შეცვლის საჭიროების შესახებ, შესაბამისი დოკუმენტაციის თანხლებით.

არასასოფლო-სამეურნეო დანიშნულების მიწის ნაკვეთის მიზნობრივი დანიშნულების შეცვლის შემთხვევაში, საქართველოს გარემოს დაცვისა და სოფლის მეურნეობის სამინისტროს მმართველობის სფეროში მოქმედი საჯარო სამართლის იურიდიული პირი – მიწის მდგრადი მართვისა და მიწათსარგებლობის მონიტორინგის ეროვნული სააგენტოს მიერ გაცემული ცნობა, რომლითაც დგინდება, რომ მიწის ნაკვეთი არასასოფლო-სამეურნეო მიზნით არ გამოიყენება და შესაძლებელია მისი სასოფლო-სამეურნეო დანიშნულებით გამოყენება.

ეს წესი ვრცელდება სახელმწიფოს, ავტონომიური რესპუბლიკის ან მუნიციპალიტეტის საკუთრებაში ნარსებული მიწის ნაკვეთის მიზნობრივი დანიშნულების შეცვლაზეც;
სახელმწიფოს, ავტონომიური რესპუბლიკის ან მუნიციპალიტეტის უფლებამოსილი ორგანოს დასაბუთებული ინდივიდუალური ადმინისტრაციულ–სამართლებრივი აქტი ან დასაბუთებული განცხადება, რომლის საკუთრებაშიც არის მოცემული მიწის ნაკვეთი;
სასოფლო-სამეურნეო დანიშნულების მიწის ნაკვეთის მიზნობრივი დანიშნულების შეცვლის საკომპენსაციო თანხის გადახდის დამადასტურებელი დოკუმენტი (ასეთის აუცილებლობის შემთხვევაში);
მომსახურების საფასურის გადახდის დამადასტურებელი დოკუმენტი (მომსახურების საფასური – 75 ლარი).

რეგისტრაცია წარმომადგენლის მეშვეობით

თუ დაინტერესებულ პირს რეგისტრაციის განხორციელება სურს არა პირადად, არამედ წარმომადგენლის მეშვეობით, ასეთ შემთხვევაში დამატებით უნდა იქნეს წარმოდგენილი სათანადო წესით დამოწმებული წარმომადგენლობის დამადასტურებელი დოკუმენტი და წარმომადგენლისპირადობის დამადასტურებელი დოკუმენტის ასლი.
ზემოთ ჩამოთვლილი დოკუმენტების გარდა, საჯარო რეესტრის ეროვნული სააგენტოს მხრიდან კონკრეტულ შემთხვევაში შესაძლებელია დამატებით მოთხოვნილ იქნეს ნებისმიერი დოკუმენტი/ინფორმაცია, რაც აუცილებელია საკუთრების უფლების რეგისტრაციისათვის.

განმარტებები და პასუხები შეკითხვებზე

Facebook Comments

ბიზნეს-გეგმები , ინვესტიციები , სერვისები ბიზნესისათვის

ბიზნეს-გეგმები , ინვესტიციები , საინფორმაციო სერვისები 577 235 400